بركان العيص .. وهضبـة نجـد

[الثوعي]

هـــــذا ردي على رد الغالي
( سكون الليل )


اهلين .. باللي يجعل الوعْل غزلان=ويجعل الشاهين والباز غربان

ويحيل صوت البوم ، لحناً وأشجان=ويحوّل العرعر ، وروداً وريحان

جعلت جسر الوصل ، بالشعر جسران= وجعلت محرابك ، من الشعر عنوان

أخترت طيب القول : والشعر لك زان= وجعلتني عاشق ، وللشعر ولهان

خليتني هاوي ، ومنشي وعطشان=وكنت للمركب ، دليلاً وقبطان

لبست تاج الشعر ، والتاج مرجان= وكَسَيْت عود النثر ، جوخاً وكتّان

جدّدت عهد جرير ، وخليل مطران=واحييت نبض الشعر ، من عهد حسّان

رسالتك للمصطفى ، خير برهان=وباقي اعلامك ، لها وقع شيطان

توسوس القاري ، وتبقيه حيران=يفسر احلامك ، على قدر ما كان

يا ليل لا تسكن ، فساريك سهران= وفي سكونك ، للترانيم خلان

ترى الذي قالوا : عن الليل بهتان= ففي هجوعه ، للمحبين سلوان

اسقيتني صافي ، من البن فنجان=أجْفلْ عليَّ النوم ، والنوم سلطان

يا صاحبي : لاني في العيص بركان=ولانت هضْبة نجد ، وجبال زهران

ولا خبرنا للمرازيب طوفان=ولا طلع في وادي العيص رمان

لا جيت لا مكة ، مروراً بعسفان=ترى الرصيفه ، للمعازيب عنوان

على يمينك ، في طريقك لنجران=والبحر في جده ورابغ وجيزان




تحياتـــــي للجميـــــــــــــــع