يا بخت اللي كسب ودك؟؟

[ليل]

انا اقول ان شمس الصبح تا خذ من جبينك نور
واقول ان القمر با لليل يضوي من سنا جيدك
عجزت اوصف جمال(ن) فاق في حسنه جمال الحور
فدتك الروح وان تبغين غيرالروح بازيدك
يابخت اللي كسب ودك ومن حسنك غدى مسحور
يابخت إللي تحبينه وتصبح شوفته عيدك
يابخت الطرحه اللي بحرص لمت شعرك المنثور
يابخت الكحل بعيونك يابخت العقد في جيدك
يابخت الغطوه اللي ما قوت تحجب شعاع النور
وكثر ما تحرصين انها تحجب النور بتكيدك
يابخت الورده إللي لولمستي عودها المكسور
تعيش بلمسة اكفوفك وتاخذ من عطر إيدك
يابخت الليل والقمرا يابخت الشاعر المبهور
إلا منه نضمك اجمل قصيده وده إيعيدك

[الـــوافي]

صح السااااااااااااااااااااااانك المهدي

لي ملاحظه على الشطر : "عجزت اوصف جمال(ن) فاق في حسنه جمال الحور"

لا يوجد في بنات حوا من يفوق جمالها جمال الحور وإن بلغت من الجمال ما بلغت

والله لا يحرمنا الحور انا ونت وكل من بالمنتدى

[سـالـم قحطان]

المهدي قلم مبدع دائماً تسلم لنا يالغالي .... وفالك المليون يالغالي :rolleyes:

[ليل]

الـــوافي
يعطيك العافيه على المرور المتميز واقدر لك هذا التواجد العطِر اللذي ارجو له الدوام.
اما ما يخص ملا حظتك فلك الشكر على ما ابديته من وجهة نضر اعتز فيها واثمنها .

[ليل]

سالم قحطان...
يعطيك العافيه على تشريفك وتواصلك اللذي لا شك انه يجعلني احرص اشد الحرص على تقديم ما يرقى لذوقك الرفيع والراقي

[عبدالعزيز آل سرور]

والله شاعر راحل ليتك موجود

عالعموم انت منت فيه ولا فيه احس انك موجود

وصح لسانك

[azzah]

عجزت اوصف جمال(ن) فاق في حسنه جمال ...
شكرا لك والى الامام
وانشاء الله تكون (ن) من اهل الجنه حتى تكون اجمل من الحور العين
مثل ما علمنا رسول الله صلى الله عليه وسلم

[>*ابوسلطان*<]

يابخت الليل والقمرا يابخت الشاعر المبهور
إلا منه نضمك اجمل قصيده وده إيعيدك
*******************
يعطيك العافيه المهدي
ومن العايدين
**********
ملاحظه *ياليت الخط لايتعدى أربعه أو خمسه أذوق* شكرا