عبدالعزيز آل سرور
05 Jun 2007, 06:12 AM
بسم الله الرحمن الرحيم
السلام عليكم ورحمة الله وبركاته
هذا الشعر هديه للمسعود
http://www.9o9i.com/uploads/a1feb1b6c5.jpg
راكب اللي لا نخيته حطم اجزاء الثواني =
مثل شيخٍ حضروه القوم لطقوس الحميه
جيب لكزس كن لونه خلطةٍ من زعفراني =
أشقرٍ عودي على اصفر الوكاد أنه كذيه
صب لونه وسط قنينة ذهب والعلم جاني =
ارسلوه لطوكيو ثم جاب ميه فوق ميه
راحو يساقون بديه واطلعو في لون قاني =
ثم أعادو مره أخرى لين صار افتح شويه
واتركوه اليوم كله وارجعو له وقت ثاني =
وجاك لونه مثل لون الشمس حزة مغربيه
وفرشوه بزل نادر أجود أنواع الايراني =
والمراتب هولويز وبالمقابض جلد حيه
وركبو له شمعتينٍ تكسح سهيل اليماني =
كن شاشاته حفل شيخٍ قصاصه صار ديه
وصمم الديكور عودٍ مفتقد بعض الحناني =
عود واستشرق شبابه في شواط اللاذقيه
هو صحيح أنه يهودي لا خصال ولا معاني =
ولاتذكر مامضاله عند ذيك وعند ذيّه
شب غليونه وولع كالبواخر فالمواني =
ودار مكنون الخيال المنغمس بالنرجسيه
جاب من فندق جميرا ودمجه مع جو كاني =
وحط من جفن الغياب اللي نعس في ماربيه
وين مالديت عيني طاري الفرقا طواني =
صب فيه من الحنان الى الامور العاطفيه
ايه شاعر وادري أن الوصف هذا مارواني =
داخليه بيت واحد بس يوصف داخليه
داخليه عين بنتٍ ساهره للامتحاني =
من الفلاحه ورطوها بالفصول المدرسيه
وطمعو الطبلون عاج وقحويان وسندياني =
وصبو الكمبود راسا بالتروس الاوليه
كل ماجارو عليه يفوح عود وقحوياني =
فوح عطارٍ جرحني وسط سوق العقربيه
كن زوله زول شيخٍ معتلي صهوة حصاني =
وكن شبكه صدر قيس اليا نهت بالعامريه
نوع خاص من السفاره ما يشيك بالمواني =
سجلوه الدبلوماسي واختمو له فالهويه
الوكاد أنه غريب ولو لحق ماض الزماني =
كل شيخٍ يعتزيبه لاعرف ذمة خويه
وسط جوفه قاري الاقراص لاهل القرآني =
يكفي الله شر من نفسه على الحاجه دنيه
ياصديقي دق سلفه يوم وجه الصبح باني =
ولاتعبث بالازره خص هالاحمر هذّيه
خوفي أنك لاضغطته يقلع لدار اليباني =
لانه احيانا يحن أحنان خلجٍ دوسريه
سم بالله وتوكل واربط أحزام الاماني =
سج طبلون على أخر روووح والنيه مطيه
هاك خارطة الطريق وهاك خارطة المباني =
وانتبه للنقطه اللي من هنيّه لي هنيّه
ياوجودي لاتهزع مع رفاع ومع طماني =
وجد من طشه زمانه في برستيج بدويه
سعد عينه يوم قالت أنت راع الاشقراني=
وابتسم بسمة عزيزٍ خابر أحواله رديه
يستر فجوج الزمان اللي عليهم شقلباني =
ولد ناسٍ راح عمره في هوى بنتٍ غنيه
اورثت ورثٍ عظيم وغردت ياليل داني =
واسكنت حي العليا عقب حي الناصريه
واشترت جيبين لكزس راهيه والعمر فاني =
كل ماجيت اتميلح راحت اتكشخ عليّه
وســلــامــتــكــم
هذا الشعر للشاعر مشعل بن جريد
السلام عليكم ورحمة الله وبركاته
هذا الشعر هديه للمسعود
http://www.9o9i.com/uploads/a1feb1b6c5.jpg
راكب اللي لا نخيته حطم اجزاء الثواني =
مثل شيخٍ حضروه القوم لطقوس الحميه
جيب لكزس كن لونه خلطةٍ من زعفراني =
أشقرٍ عودي على اصفر الوكاد أنه كذيه
صب لونه وسط قنينة ذهب والعلم جاني =
ارسلوه لطوكيو ثم جاب ميه فوق ميه
راحو يساقون بديه واطلعو في لون قاني =
ثم أعادو مره أخرى لين صار افتح شويه
واتركوه اليوم كله وارجعو له وقت ثاني =
وجاك لونه مثل لون الشمس حزة مغربيه
وفرشوه بزل نادر أجود أنواع الايراني =
والمراتب هولويز وبالمقابض جلد حيه
وركبو له شمعتينٍ تكسح سهيل اليماني =
كن شاشاته حفل شيخٍ قصاصه صار ديه
وصمم الديكور عودٍ مفتقد بعض الحناني =
عود واستشرق شبابه في شواط اللاذقيه
هو صحيح أنه يهودي لا خصال ولا معاني =
ولاتذكر مامضاله عند ذيك وعند ذيّه
شب غليونه وولع كالبواخر فالمواني =
ودار مكنون الخيال المنغمس بالنرجسيه
جاب من فندق جميرا ودمجه مع جو كاني =
وحط من جفن الغياب اللي نعس في ماربيه
وين مالديت عيني طاري الفرقا طواني =
صب فيه من الحنان الى الامور العاطفيه
ايه شاعر وادري أن الوصف هذا مارواني =
داخليه بيت واحد بس يوصف داخليه
داخليه عين بنتٍ ساهره للامتحاني =
من الفلاحه ورطوها بالفصول المدرسيه
وطمعو الطبلون عاج وقحويان وسندياني =
وصبو الكمبود راسا بالتروس الاوليه
كل ماجارو عليه يفوح عود وقحوياني =
فوح عطارٍ جرحني وسط سوق العقربيه
كن زوله زول شيخٍ معتلي صهوة حصاني =
وكن شبكه صدر قيس اليا نهت بالعامريه
نوع خاص من السفاره ما يشيك بالمواني =
سجلوه الدبلوماسي واختمو له فالهويه
الوكاد أنه غريب ولو لحق ماض الزماني =
كل شيخٍ يعتزيبه لاعرف ذمة خويه
وسط جوفه قاري الاقراص لاهل القرآني =
يكفي الله شر من نفسه على الحاجه دنيه
ياصديقي دق سلفه يوم وجه الصبح باني =
ولاتعبث بالازره خص هالاحمر هذّيه
خوفي أنك لاضغطته يقلع لدار اليباني =
لانه احيانا يحن أحنان خلجٍ دوسريه
سم بالله وتوكل واربط أحزام الاماني =
سج طبلون على أخر روووح والنيه مطيه
هاك خارطة الطريق وهاك خارطة المباني =
وانتبه للنقطه اللي من هنيّه لي هنيّه
ياوجودي لاتهزع مع رفاع ومع طماني =
وجد من طشه زمانه في برستيج بدويه
سعد عينه يوم قالت أنت راع الاشقراني=
وابتسم بسمة عزيزٍ خابر أحواله رديه
يستر فجوج الزمان اللي عليهم شقلباني =
ولد ناسٍ راح عمره في هوى بنتٍ غنيه
اورثت ورثٍ عظيم وغردت ياليل داني =
واسكنت حي العليا عقب حي الناصريه
واشترت جيبين لكزس راهيه والعمر فاني =
كل ماجيت اتميلح راحت اتكشخ عليّه
وســلــامــتــكــم
هذا الشعر للشاعر مشعل بن جريد