( عامر وريم )

[المختلف]

( عامر وريم )*





http://i266.photobucket.com/albums/ii246/228030416/samar/sodfa.jpg




صدفه جابتني لدربه من بعد خمسة سنين


والله إني من سمعته كلم البايع عرفته = إلتفت بلهفة اللي حيل مضنيها الحنين

لكن الصدمه عظيمه شايل(ن) بيديه بنته = ومعه أم البنت تمشي شابكه فيه اليدين

وقتها دارت بي الدنيا وحزني ما احتملته = حارت دموعي وواسي نفسي: يا ريم اليقين!

وصرت أفكر يعني يعرفني مثل ما نا عرفته؟ = ولا ناسي قلبي اللي مارضى بغيره ضنين

دق جواله ونزّل من على الأحضان بنته = وخثعت بنته ونادى: ريم لا لا توقعين !

قمت أناظرها ودمع احتار بعيوني ذرفته = استوت هالدنيا عندي عادي لو موتي يحين

انحنيت أبوس ريم وخدها الايمن لمسته = التفت لي وقال لي: ياهيه فيها وش تبين؟!

قمت أتجاهل واسوي نفسي كني ماسمعته = قال: يااختي ابعدي عنها ولا تستهبلين !

ويوم قرب لي.. بعيني من ورا البرقع خزرته = وإنكسر صمتي وقلت: الله على الدنيا يعين




http://i266.photobucket.com/albums/ii246/228030416/samar/sodfa1.jpg



طاح جواله, تلعثم قال: أنا بحلم(ن) حلمته = وإلا واقع فهميني ليه عني تبعدين ؟

ليه عني ماسألتي وأنا هذا الكون بعته ؟ = لجل عينك يا عيوني ماأظنك تجهلين ؟

أنا من بعدك يا ريمي حتى طاري العرس عفته = ناظري فيني وشوفي كيف من بعدك حزين

والله إني ما أنام إلا وماضينا ذكرته = أنتي وحدك من جعلتي قلبي القاسي يلين

أقسم بربي غلاك بيوم ماعمري جحدته = ماإلتفت لبنت غيرك ما سمعت العاذلين

ماسهجت دروب غيرك دربك اللي بس سهجته = وش أسوي لجل ياروحي كلامي تصدقين ؟

حتى شوفي هذي أختي تشهد بصدق اللي قلته = وهذي طفلتها على اسمك اسمها وتستاهلين




http://i266.photobucket.com/albums/ii246/228030416/samar/sodfa2.jpg





صدقيني مانسيتك حبك الصادق حشمته = حتى (حرف الراء) منك باقي له بإذني رنين

قلت: عامر- قال: سمي - قلت: أنا والله صنته = حبك اللي كان أصفى من ورود الياسمين

كم طلبني واحد(ن) غيرك وأنا لجلك رفضته ! = وكم تحملت الغثاء واسمع شماتة شامتين

وكم لجل عينك بكيت وحتى ليلي لك سهرته = حيل ذابحني غيابك وفرحوا بي الحاسدين !

وأنت تدري بأن حبي ماأبالغ لو وصفته ! = بأنه أصدق حب يحصل في حياة الصادقين !

قال لي: يا ريم ربي يشهد بدمع(ن) نثرته = ويشهد إني وافي لحبك ولـ أسرارك أمين

إرجعي لأبوك قولي: نصفي الثاني وجدته = واحتريني جايب(ن) مهرك ودبله باليمين

إبتسمت وقلت في نفسي حرام إني ظلمته = ثم طلعت من المحل والفرحه بعيوني تبين




وقمت أتمتم في طريقي : هذي أخته..هذي أخته !


*الشاعره : ريم نجد