ثوب العيد ..

[سلطان الحب]

قالت فصلت ثوب للعيد؟

ضحكت وقلت لا تساليني عن العيد.
العيد بعين امي .. ولا راح اشوفه.
وامي مكانها عن عيني بعيد.


عيوني دمع يصرخ يقول وينها
تعبت انشد خيالي عن عيونها
عن الضحكه .. عن الدعوه*
عن صدرها الدافي وانا مضنونها


امي وربي بكيت من اجلك
امي دموعي غرقت اوراقي
امي ياليتني ارتمي بحضنك
امي ذابت من الحنين اعماقي

حرقت دموعي وجنتي
** * *.. وياليت اشوف عيونك بعدها
لكن محروم بوحدتي
** * .. الجسد وحده وروحي وحدها


امي دخيلك لا ترمشي بعينك
ابي اشوف داخلها فرحة العيد*
ابي اشم ريحتك واناظر زينك
ابي كلامك علي مسمعي يزيد

*امي من غيرك يستاهل كل عام وانت بخير
امي انتي خير للعام .. انتي بعيوني غير

امي للعيد مافصلت ثياب
وضحكت وقلت لا تسالوني عن العيد
امي ذبحني في الثياب الغياب
وبكيت وقلت امي عن عيني بعيد


سلطان الحب