لا صارت الدنيا على ضيقة البال**وش يرجي المضهود كود السلامة

[صدى السنين]

شفنا العجب يكفي عسى الهم ينجال
ينجال عن قلب تزايد حطامه
***
لا صارت الدنيا على ضيقة البال
وش يرجي المضهود كود السلامة
**
أشوف إن العربان من حالي في حال
لا خالطت ما بين نجد وشامه
***
ما كل رجال تشوفه برجال
ما عاد أميز صقرها والفدامه
***
لا يخدعك زول مِفـَــــلـْـــتـَهْ من أزوال
حتى ولو إنه العسل في كلامه
***
اللبس واحد بشت وشماغ وعقال
لكن بلاك القلب وِشُّو مرامه
***
وين الزمن اللي مضى صفوة أجيال
أهل الوفا والعرف وأهل الشهامة
***
مالوم عين دمعها اليوم همال
ومن البكا جاوبت نوح الحمامة
***
شفنا العجب يكفي عسى الهم ينجال
ينجال عن قلب تزايد حطامه
***
لا صارت الدنيا على ضيقة البال
وش يرجي المضهود كود السلامة
***

أشوف إن العربان من حالي في حال
لا خالطت ما بين نجد وشامه
***
ما كل رجال تشوفه برجال
ما عاد أميز صقرها والفدامه
***
على ربوع خلو الدار والمال
أمسو بقبر مدلهم ظلامه
***
لا من ذكرت الجد والعم والخال
أصفق بكفٍ فوق كفٍ الندامه
***
لا ني بمجنون ولا فيني هبال
لاكن خطير العقل يذكر سقامه
***
غديت مثل اللي رقى نايف نعال
بيضاء يشق الجيب يشكي غرامه
***
شفنا العجب يكفي عسى الهم ينجال
ينجال عن قلب تزايد حطامه
***
لا صارت الدنيا على ضيقة البال
وش يرجي المضهود كود السلامة
***
أشوف إن العربان من حالي في حال
لا خالطت ما بين نجد وشامه
***
ما كل رجال تشوفه برجال
ما عاد أميز صقرها والفدامه
***
من شد مابه ذب عمره على الجال
غلواه بجو ما بقى إلا عظامه
***
صاح النذير وخبر الناس بالحال
جاها الفزع يجمع بقايا عظامه
***
وأمه غدت ما بين دمع وولوال
تنثر دموع مثل وبل الغمامة
***
والله لولا إني صبور وشيال
وإني أخاف عقابي يوم القيامة
***
لا أصير مثله بالسوايا والأفعال
من شاف ناصر قال مدري علامه
***

راقت لي

http://www.youtube.com/watch?v=FNukHH99-t4&feature=related