بمناسبة اليوم الوطني للمملكة العربية السعودية

[ليل]

كل المعاني الساميـة قـد تجلـت
باعظم بطولة قادها الصقر شيهـان
عبدالعزيـز بهمـةٍ قـد تعـلـت
صمّم على حلمـه وحققـه مـالان
دخل رياض العز مـن بعـد ملّـت
فراق سادتها وهو حيـل عطشـان
واقبل لها خاطب وهي لـه تحلـت
يدفع لها مهـر ٍ تغلـى بالاثمـان
مهـره لهـا جـد ٍ وروح ٍ تملـت
عزم ٍ وتصميم ٍ ومجهـودْ وإيمـان
ورحبـت بالشيـخ حـب ٍ وهلـت
وصارت لذاك الصقرمربع وميطـان
وعاشت بظله وافيـة مـا تخلـت
تحفظ له المعروف لو طالت ازمان
نفسه عزيزة ما حصل يـوم كلّـت
ايليـن وحدهـا بتوفيـق رحمـان
وصارت بـلادْ موحـدة واستقلـت
عن كل ضيمْ وعاشت بعزْ وامـان
وشفنا السعادة والمسـرات حلـت
وصرنا بفضل الله في وضع الاخوان
من عقب تشتيتٍ وحـربٍ تصلـت
وظلم ٍ وتشريد ٍ وقتـل ٍ وعـدوان
عشنا الحضارة والجهـالات ولّـت
والنهضة العظمى على كل ميـدان
مصانع ٍ قامـت وفيهـا استظلـت
بيض السحاب اللي لها فوق عُلوان
والجامعـات بكـل الارجـا تعلـت
منها تخرج كـل عالـم وفهمـان
والا المدارس يوم بالنـور شلـت
الناس من جهل ٍتأصّـل بالابـدان
وعندنـا القـوات بالنصـر خلّـت
المعتدي يرجـع ذليـل ٍ وخسـران
يافخرنـا يـوم المطاليـق سلّـت
سيوفها اللي حطمت كـل شيطـان
بالمملكـه كـل المخاليـق صلّـت
حمد ٍ لمن قيّض لنـا ذاك الانسـان
عبد العزيز اللي لـه الكـود ذلّـت
ايلين وصّـل حدهـا حـد نجـران