صاحب السمو الملكي الأمير / خالد الفيصل

[رعد الجنوب]

الأمير / خالد الفيصل
أنا السّعودي
أنا السّعودي رايتي رمز الإسلام
وأنا العرب واصل العروبة بلادي
وأنا سليل المجد من بدأ الأيام
الناس تشهد لي ويشهد جهادي
دستوري القرآن قانون ونظام
وسنة نبي الله لنا خير هادي
امشي على الدّنيا وأنا رافع الهام
وافخر على العالم وأنا اجْني حصادي
إذا تأخّر بعضهم رحت قدّام
وإذا توارى خايفٍ قمت بادي
إن جيت ساحات الوغَى صرت قدّام
وان صرت بلْحالي فلانيب عادَي
واظهر على غيري إذا صرت بزْحام
عقيد قومٍ بالطّبيعة ريادي

[رعد الجنوب]

السلام عليكم ورحمة الله وبركاته

هذه القصيده ردا"على كلمة الحميدي الحربي اثنا تقديمه لحفل مزايين قبيلة حرب حينما تفاعل الجمهور مطالبا"بالشاعر الكبير تركي2000 ورد عليهم قائلا"(يعقب تركي؟؟؟؟؟) يقول الشاعر خــــلف بــــن بـــدر العضيله:
ياحرب لاتشـره علينـا العواريـف
سفيهكـم ياحـرب جـاب المطمـه
ترى الحميدي وسط راسه تخاريف .
مع كبر سنه مالـه احـدن يضمـه
أشره على اللي ماتحـب الملاقيـف
واشره على اللي فوق راسه معمـه
يخسي اللـي معتلـي فالمشاريـف
ماهـوب حاسبلـه ولاهـوب يمـه
مثل الربيع اللي تميز عن الصيـف
لعبه ذهب والطيـب يمشـي بدمـه
تركي عزيز النفس ياراعي الحيـف
ماهوب خبلـن كـل هـرج يخمـه
مانلتفـت للـي علومـه تخالـيـف
اللي غشى وجهـه سـواد وغمـه
معروف ياحميدان مـن دون تعيـف
حسد وحقـد لخلـق ربـي ونمـه
لاما على مثل الحميـدي تحاسيـف
مافيـه نصـر للجماعـه والامــه
ان كان ماهو عارف حشمة الضيف
يزايمه مـن وقتـه اللـي يصمـه
ولاذم حرب اهل المواجيب والكيف
ولايستوي في حـرب راع المذمـه
وتعيـش ياتركـي بعـز وتشريـف
وتطير من قمـة علـى راس قمـه
لوكان فالدنيـا عجـاج وعواصيـف
شلت المهمـة وانـت قـد المهمـه

[رعد الجنوب]

رداً على كل صهيوني وكل شخص يريد الإسائه إلى السعوديين أو ينوى الإسائه لهم
:قالوا سعودي قلت عز على الراس
ديره بها أهل الكـرم والشجاعـه
قالوا سعودي قلت يا حي هالناس
أهل الحرم والدين وأهل الوداعـه
قالوا سعودي قلت إسم به إحساس
تزهي حروفه بالفخـر والقناعـه
قالوا سعودي قلت فاس للأنجـاس
يحكم بهم شرع النبي والجماعـه
مهما حكيت وزادوا الناس وسواس
ومهما زرع أهل الجشع والإشاعه
يبقى السعودي تاج يزهابه الراس
ويبقى الفخر بالسعوده والشجاعـه

[رعد الجنوب]

هذه القصيدة من روائع القصائد القديمة جداً واعتقد انها لشاعر قرني ربما يدعى ( خضران ) وسوف اكتبها بالهجة العامية يقول فيها
ودي اني ولد بو زيد لكن ماجا له ذرا

كنت قصيت رأس ذياب من منصبه نصرن لبا زيد

غير ماباتدخل بين تونس وبين ابني هلال

قرت الأرض فوق القرن والقرن قر على سفينه

والسفينه على موجن من البحر فوق الهاويه

يالله تلطف بنا لايدرج الموج وتطيح السفينه

تنقضي الأرض في الخمس الدقايق ولا يبقى بشر

غير من قدرة الرحمن مسك البحر والبر والبر

والسما قرها ماترسل الا مطر واملايكه

وسلامتـــــــــــــــــــــــــــــــــــكم

[رعد الجنوب]

هذه قصيده وجهتها إمرأه لزوجها شيخ قبيلة بني حسن من زهران بعد أن رحل وهجرها قرابة إثنا عشر سنه ، فإليكم بدعها ورد الشيخ عليها:
البدع
ياشيخ جارالله وش حدك على نجد الأقصى
وش كرهك في ديار إبني حسن وأنحن أهلك
إثنا عشر عام وأنا كل يوم آترجى
حتى موزع بريد الطايره مني آبا
هجم عليه وأخذ مفتاح قلبي هربه
مانسمع إلا جناح الطايره ياهبيده
الرد
ياونتي ونت الملقوص في نجد الأقصى
يعالجونه وهو تحت الخطر خوف يهلك
وكل ماجا بيشفى رجه الموت رجى
يون من سم ثعبان تلاقت نيابه
والناس مايرحمون اللي رضى عنه ربه
يستاهل اللي على بيت الحنش ياهب إيده

[رعد الجنوب]

اكثر الناس يعتقد ان قصيدة ديانا للشاعر الكبير عبدالواحد سعود الزهراني ولكن في الحقيقة انها للشاعر الكبير صالح اللخمي 00 واليكم القصيدة
من نهار السبت الى يوم الاحد عداثمـان ايـام
والصحافه والمحطات التي عبر الفضـاء منشـوره
ماتناقل غير قصة موت اميرة ولز في باريـس
في بداية كل نشره صوروها بالخبـر والمنظـر
وابلغ التعبير ذاك الحزن مثل الوشم في الو جوه
رغم ذالك ماتغاضوا عن خطايا الفاتنه المحبوبـه
صوروها في ثياب العشق حتـى بعـد موتهـا
والعرب كبوا قضايا القدس واهتموا بموت اديانا
ماعدا الـى مابعثنـا الـورد تخليـد لدورهـا
ليتنا وقت الحدث كنا نصيف في ضواحي لنـدن
كـان صلينـا علىالفايـد وشيعنـا جنـازتـه

[رعد الجنوب]

محاوره شعريه ازعلت الكويتيين
هذه هي المحاوره التي جرت بين الشاعرين السعودي شفق السريّع و هو من قبيلة عتيبه و الشاعر الكويتي احمد الخياط في احد منتديات النت و كانت محاوره على الهواء مباشره و قد اثارت هذه المحاوره حفيظة الاعلام الكويتي حتى اشعلوا الرأي العام الكويتي بها مما سبب الى منع شفق السريّع من دخول الكويت لمدة سنه كامله ابتداءً من الليله التي كانت فيها هذه المحاوره قبل اسبوعين تقريباً في شهرمايو 2005 مع ان الشاعر السعودي امتدح شعب و حكومة الكويت في آخر بيتين .. لكنهم اخذوها من باب تخليص نفسه من هذه الورطه كما يقولون هذه المحاوره كانت ليلة دخول الملك فهد بن عبدالعزيزالمستشفى التخصصي لإجراء فحوصات طبيه
اليكم المحاوره كامله
شفق السريّع

لا باس يا الشعب السعودي عاش ابو فيصل فهد

الله يحفـظ المملكـه و الله يـعـز المملـكـه

الليلـه الميعـاد يـا الخيـاط جينـا فالـوعـد

بينـي و بينـك سالفـه تبـا تعـوّد معـركـه

أحمد الخيّاط

لاباس ياالشعب السعودي والكويتي له سند

وقت اللوازم ثابتٍ لـه موقفـه مايتركـه

الليله الليله على الميعاد حضر لـك مـدد

بعض المساري ياشفق في تاليتها تهلكـه

شفق السريّع

حنا مزابين العرب ما حنا في حاجه لاحـد

الله يخلينـا لكـم عنـد الليـال المحلكـه

يا طيبكم يا اهل الكويت لا منّها صارت هدد

انتم مقاديم الرجال ان كان جات اي احركه

أحمد الخياط

وشلون تنسى عمك اللي مات وانشد من شهد

لياذكرت الاوله تقنـع عسـى فيـك بركـه

حنا لقيناكم مـع اهـل الطايـف بليـا عـدد

ياطيبكم والطيـب لاهلـه ياشفـق ماتملكـه

شفق السريّع

اللي شهد يجيب للعِراف يا الصاحب سنـد

و الا الهروج اللي بليّا اسناد مثل الشكشكه

ذكرتني بالطايف اللي يعرفـه بابـا سعـد

احيان يسكن فالهدا و احيان يسكن مدركه

أحمد الخياط

ستين فارس محتمين العود بسلاح وعتد

ياليت جدك حي قبل يموت وعلمي تدركه

يابومهنا مايقوم البيت من غيـر العمـد

انته صحافي والعلوم اللي معاك مفبركه

شفق السريّع

ستين من نجد العذيه يـوم جـدك منخمـد

عيا يجي يقول ما لي فيها لو راس اسمكه

البيت مبني و العمود النـا مثبـت بالوتـد

و علومنا بيض الحقايق واضحه و محكحكه

أحمد الخياط

ستين ردوا جدك اللي من مزابينه شرّد

معهم مفاتيح البشاير والبيوت مصمكـه

حنا لها من ماضي الازمان والحاضر بعد

لياوقفنا ماانت لاقي لك نصيبٍ وشركـه

شفق السريّع

جاكم براسه ثم عوّد مـا لقـا غيـر الصـدد

و جيتو جميع النا و فتّحنا الحـدود المشبكـه

امدح على كيفك و لكن لا تكثّـر فـي العـدد

مدحه و مدحه تنقبل و ان زدت صارت مضحكه

أحمد الخياط

انتم تجمعتم وطاح الحظ ومن اول قعـد

اصبر ويلقاله دروبٍ فالجبـال مفككـه

ليا قدرت تحلها عجوزكم جابـت ولـد

اللي يشوفه جاركم في بلادكم له مسلكه

شفق السريّع

عاشوا عيال اخوان مريم و الحكومه و البلد

و انا الخليجي و افتخر باني خليجي و املكه

و انا كويتي و الكويتي في السعوديه سعـد

و اخوان في كل الامور و ضد نهج الامركه

أحمد الخياط

اما وصلنا في نهار السبت ولا في الاحد

لحمولكم وحمولنا شعيل واحد مبركـه

لي الفخر ولك الفخر عند اللوازم نتحـد

عيال عمٍ كلنا والبيـت محـدٍ حرّكـه

[رعد الجنوب]

ألبست شعــــري

البست شعري غتره وبشت وعقال
وخليت تغريب المذاهب لغيري

في ساحتي للفكر مليون مدهـال
وبحري بمكنوز المعَرفـه غزيـرِ


مافي عروقي غير الإسلام مثقـال
أموت واحيا بـه قليـل وْكثيـرِ


اعتـزّ بالاسـلام والعـمّ والخـال
وعلى العروبه والاصالـه أغيـر


آباءنا واجدادنـا ذبّـوا الجـال
والّلي يبي درب المراجل يسيـرِ


موروثنـا مجـدٍ وفخـرٍ ومنهـال
نبني عليـه ونستحـث المسيـرِ


ماني بمفتونٍ بصرعات الاجيـال
مع كـل صيـاحٍ نهـبّ ونطيـرِ


لي رايٍ امشي به ولي عزم رجّال
ولي لابـةٍ إذا بغيـت استشيـرِ


آل السعود الّلي لهم كل ماطـال
ماينزلـون إلا الطويـل العسيـرِ


آل السعود مطّوعـة كـل عيّـال
مايضربـون إلا بسيـفٍ شطـيـرِ


آل السّعود الّلي لهم فيْ وظـلال
وان شدّت الاّيـام غيـمٍ مطيـرِ

[>*ابوسلطان*<]

صح لسان صاحب السموالملكي الأمير الشاعر

خالد الفيصل بن عبد العزيزآل سعود

حفظه الله وأبقاه

وتعيش وتسلم لنا ياأبا وائل على

نقلك وإختيارك وذوقك الرفيع

دمت ودام عطائك

[رعد الجنوب]

شكراابا سلطان على مرورك دمت لنا سالما وبارك الله فيك

[الأجودي]

شكرا أخي رعد الجنوب على هذه الروائع
وإليك هذه القصيدة من روائع الشاعر بندر بن سرور
أحد(ن) ينام وحط راسه بكمه
واحد(ن) يخم النوم عينه وتخطيه
واحد(ن) يحاول بالردى بنت عمه
واحد(ن) يحاول ستر عذرا عوانيه
ماني وانا بندر ببياع دمه
ماغبنك يا بياع دمه وشاريه

ودمتم سالمين

[رعد الجنوب]

أشكرك أخي الأجودي على مرورك العطر
وأردعلى قصيدتك وأقول
يامرحبا ياشاعرٍ زاد همه
كشف لنا وضعه وبانت مخابيه
ترى الحياة أدروس للروح جمه
والدين مقضي والخلايق مشاريه
والعاقل إليِّ هرجتي ماتسمه
يسمع نصائح شيخ مامر طاريه
إن ناسبه قولي بينصان فمه
وإن خالفه ثمه تزاود هقاويه
دمت بود
تحيتي

=وإليك القصيدة كامله

=قصيدة للشاعر / بندر بن سرور الدلبحي الروقي العتيبي رحمه الله:

يالله ياجالي الامور المهمه = تجلا وهج قلب(ن) برى حال راعيه
البر دجته والبحر رحت يمه = يقطعك ياحظ (ن) على الله مساعيه
يوم ان ولد اللاش رزقه على امه = رزقي على اللي ميت القشع يحييه
يامل قلب(ن) كل مامات همه =دارت دواليب الدهر لين تحييه
افراق شمل الناس عيا يلمه = وقت يشيب الراس من شاية فيه
احد(ن) ينام وحط راسه بكمه =واحد(ن) تخم النوم عينه وتخطيه
واحد(ن) يحاول بالردى بنت عمه =واحد(ن) يحاول ستر عذرى عوانيه
ماني وانا بندر ببياع دمه =يقطعك يابياع دمه ومهفيه
اللي يبيّع لابسات الازمه =ثور(ن) يبي بيض الرعابيب تغنيه
يزعل ليا جت ليلة الدور يمه =يرضى بسوق المال فخوه وفابيه
خطو البخيل اللي يكبر معمه =يقرا الكتاب وواجب الله يخليه
اما هرج لك في رفيقه بنمه =والا عطا وامه تضيع هقاويه
أنشدك ياللي كل فرض(ن) تتمه = تقرا الكتاب وكل فرض(ن) تصليه
ويش القليب اللي غميق(ن) مجمه =مافاد غرسه ماه عطشى سوانيه
تخالف الانظار شرق(ن) ويمه =وكل(ن) هدف رآيه من الناس مرضيه
سم السبب ياعارف عنه سمه= سم السبب ياعارفه قبل اسميه

[أبو طلال]

تسلم ياابا وائل على اختياراتك الشعرية المتميزة وذوقك الراقي

[رعد الجنوب]

أخي أبو طلال
أشكرك على مرورك وتعليقك
ولانتستغني عن أرائك ومقترحاتك
دمت ودام إحساسك
تحيتي لشخصك الكريم

[ابو عدنان]

ماهذا اخي رعد الجنوب ؟ سيل من الابداع ومجموعة ذهبيه من القصائد المنتقاة بارك الله فيك على الذوق الراقي وحسن الاختيار فقد امضينا معها وقتا ماتعا لاعدمناك . ,,,,

[رعد الجنوب]

شيخنا وحبيبنا أبو عدنان
اشكرك على مرورك وتعليقك
دمت وتسلم يمينك لاعدمناك
تحيتي

[القناص]

يعطيك العافيةرعد الجنوووووووووووووووووب

[abuabaziz]

بورك فيه سلمتَ وسلمت يمينك على حُسن الاختيار الذي يدل على تنوع الذوق الأدبي الرفيع لديك وتقبل تحياتي

[رعد الجنوب]

يعطيك العافيةرعد الجنوووووووووووووووووب

تسلم القناص
بارك الله فيك على مرورك العطر
تحيتي

[رعد الجنوب]

بورك فيه سلمتَ وسلمت يمينك على حُسن الاختيار الذي يدل على تنوع الذوق الأدبي الرفيع لديك وتقبل تحياتي

أبو عبدالعزيز
اشكرك على مرورك العطر
وهذا من ذوقك
تسلم يمينك ولاعدمناك
تحيتي