عبدالرحمن بن أحمد
08 Oct 2007, 01:04 PM
السلام عليكم ورحمة الله وبركاته ..
في الصيفيّة كنت رايح من الشرقيّة لأبها ومن أبها لمكّه وكل هذا الشي بالنقل الجماعي
(( والله من قوّة الطفره يبو :rolleyes: )) المهم في الرجعه من مكة للشرقيه طرى عليّ أكتب قصيده من قوّة الطفش المشوار 19 ساعه :mad: فاعذروني إن ما اعجبتكم لأنها جات على نغمات الحفر والمطبّات اللي في الطريق :D
بسم الله :
على النقل الجماعي كنت واعي=وفكري يشبه بشكله ذراعي
وقلت آلملم أفكار الخليقه=واحط الناتج بقالب سباعي
وبعّد عن جميع أفكار غيري=عشان اكتب قصيده باختراعي
طرالي في بدايتها أوادم =أجيها طيب .. تتمنى : وداعي !
أجاملها عشان اكسب رضاها = وهيّ ملزّمه تكسب خداعي
تداري وجهها بقْناع زايف=وانا يحرم على وجهي قناعي
أحاول قدّ ما أقدر أغمّض=ولا زالت تجاهد في نزاعي !
غريبه حيل هالعالم وربّي=كأني جيت أطالب بانتفاعي !
ومع انّه كثر ما سوّت وقالت=لها في خافقي .. ملعب زراعي
وكلْ ما جيت اقلّدها بفعلي=توقّف ضدّ رغباتي .. طباعي
ولكنّي تعبت اصفح واجامل=واعدّيها على الطيب .. واراعي
لأني كلّما فكرت فيها=اشوف بْقربها .. سكّة ضياعي
لذلك ما أظنّ اني بقاوم=أبرحل وامتطي مركب شراعي
وبسفطها واخبّيها بجيبي = وباخذ من سوالفها .. متاعي
واخلي وجهتي يمّ الثريّا=أبذهلها بمقدار ارتفاعي
وذا رجعت لعادتها حليمه=أبعميها بجرعه من شعاعي
فانا أعرف أجيب لْها خبرها=تموت ولا تشوفه .. اتساعي
إذاً ببدا أراضي في طموحي=ولا بوقف إلى حدّ اقتناعي
وإن صادفت في دربي طحالب=أونّه عاقني بعض الأفاعي
فعذراً ما بقي إلا طريقه=بيدعس وجهها / بطن الكراعي
واذا حققت ما أسعى عشانه= وصار الجهد ما له أيّ داعي
بغيّر وجهتي صوب الأصيله=هذيك اللي افقدتني فانقطاعي
هذيك اللي إذا بعّدت ساعه= أحسّ إنه تفجّر إلتياعي
بزوّد من تواجدها .. ثباتي=وأقوّي من صلابتها .. دفاعي
وبالآخر شعرت اني أهلوس=وراسي يلزمه عقل ٍ صناعي
فقدت الوعي والسبّه لأني=ركبت بْيوم فالنقل الجماعي
أما هذي مع البيعه ان ما ا عجبتكم اللي قبل فـ هذي ان شاء الله تعجبكم لأنها خفافيه :D هذي سلّمكم الله واحد من اخوياي كل شوي يعطيني بلوك في الماسنجر <----- والله من غثاثتك :D:D المهم وصوّرت الموقف هذا في السبع أبيات هذي :
خلاص من حبّ" ذاك الزين .. بطّلنا = واللعب ويّا سموّه إنتهى شوطه
كم كنت أحبّه ومن حبّه تسطّلنا = "هوبات" قلبي تجاهه حيل مخروطه
اللي إذا شاف له مزيون جطّلنا = بين القلوب إيتنقّل إبن بطّوطه
إليا سمع له كلام(ن) شين ؟ نطّ لنا = أصابعه للشماته دوم مبسوطه
وليا قضى من كلامه ؟ قام حطّ لنا = دوّيره إصغيّره .. حمرا ومشخوطه
لكن كفايه كذا .. لقياه عطّلنا = ونفسيّتي صارت بْفرقاه مضبوطه
المشكله هالذي دايم يماطلنا ؟ = هندي مجنّس وعنده بيت فالحوطه !!
طبعا ً هو حوطي ويدرس في الهند:D الله يوفقه
وسلامة قلوبكم ;)
في الصيفيّة كنت رايح من الشرقيّة لأبها ومن أبها لمكّه وكل هذا الشي بالنقل الجماعي
(( والله من قوّة الطفره يبو :rolleyes: )) المهم في الرجعه من مكة للشرقيه طرى عليّ أكتب قصيده من قوّة الطفش المشوار 19 ساعه :mad: فاعذروني إن ما اعجبتكم لأنها جات على نغمات الحفر والمطبّات اللي في الطريق :D
بسم الله :
على النقل الجماعي كنت واعي=وفكري يشبه بشكله ذراعي
وقلت آلملم أفكار الخليقه=واحط الناتج بقالب سباعي
وبعّد عن جميع أفكار غيري=عشان اكتب قصيده باختراعي
طرالي في بدايتها أوادم =أجيها طيب .. تتمنى : وداعي !
أجاملها عشان اكسب رضاها = وهيّ ملزّمه تكسب خداعي
تداري وجهها بقْناع زايف=وانا يحرم على وجهي قناعي
أحاول قدّ ما أقدر أغمّض=ولا زالت تجاهد في نزاعي !
غريبه حيل هالعالم وربّي=كأني جيت أطالب بانتفاعي !
ومع انّه كثر ما سوّت وقالت=لها في خافقي .. ملعب زراعي
وكلْ ما جيت اقلّدها بفعلي=توقّف ضدّ رغباتي .. طباعي
ولكنّي تعبت اصفح واجامل=واعدّيها على الطيب .. واراعي
لأني كلّما فكرت فيها=اشوف بْقربها .. سكّة ضياعي
لذلك ما أظنّ اني بقاوم=أبرحل وامتطي مركب شراعي
وبسفطها واخبّيها بجيبي = وباخذ من سوالفها .. متاعي
واخلي وجهتي يمّ الثريّا=أبذهلها بمقدار ارتفاعي
وذا رجعت لعادتها حليمه=أبعميها بجرعه من شعاعي
فانا أعرف أجيب لْها خبرها=تموت ولا تشوفه .. اتساعي
إذاً ببدا أراضي في طموحي=ولا بوقف إلى حدّ اقتناعي
وإن صادفت في دربي طحالب=أونّه عاقني بعض الأفاعي
فعذراً ما بقي إلا طريقه=بيدعس وجهها / بطن الكراعي
واذا حققت ما أسعى عشانه= وصار الجهد ما له أيّ داعي
بغيّر وجهتي صوب الأصيله=هذيك اللي افقدتني فانقطاعي
هذيك اللي إذا بعّدت ساعه= أحسّ إنه تفجّر إلتياعي
بزوّد من تواجدها .. ثباتي=وأقوّي من صلابتها .. دفاعي
وبالآخر شعرت اني أهلوس=وراسي يلزمه عقل ٍ صناعي
فقدت الوعي والسبّه لأني=ركبت بْيوم فالنقل الجماعي
أما هذي مع البيعه ان ما ا عجبتكم اللي قبل فـ هذي ان شاء الله تعجبكم لأنها خفافيه :D هذي سلّمكم الله واحد من اخوياي كل شوي يعطيني بلوك في الماسنجر <----- والله من غثاثتك :D:D المهم وصوّرت الموقف هذا في السبع أبيات هذي :
خلاص من حبّ" ذاك الزين .. بطّلنا = واللعب ويّا سموّه إنتهى شوطه
كم كنت أحبّه ومن حبّه تسطّلنا = "هوبات" قلبي تجاهه حيل مخروطه
اللي إذا شاف له مزيون جطّلنا = بين القلوب إيتنقّل إبن بطّوطه
إليا سمع له كلام(ن) شين ؟ نطّ لنا = أصابعه للشماته دوم مبسوطه
وليا قضى من كلامه ؟ قام حطّ لنا = دوّيره إصغيّره .. حمرا ومشخوطه
لكن كفايه كذا .. لقياه عطّلنا = ونفسيّتي صارت بْفرقاه مضبوطه
المشكله هالذي دايم يماطلنا ؟ = هندي مجنّس وعنده بيت فالحوطه !!
طبعا ً هو حوطي ويدرس في الهند:D الله يوفقه
وسلامة قلوبكم ;)