المكياج ..

[المختلف]

المكياج

-----------------------------------------------------------


ساخرة اعجبتني,وعسى تعجبكم..


ياصانع المكيـــاج الله يجازيك
خليتني مخـدوع فـي شكـل خلـي

الله يحرق مصنعك مع مبانيك
والمعرض الموجـود في بيكاديلي

ادعي عسى تعمى وتنشل رجليك
هـذا دعائـي دوم لا جيـت اصلـي

خليتني اركض ورا البنت هذيك
واشوفها اجمل غرام حصل لي

قلبي عشقها ياحبيبي توماتيك
وان شافها قلبـي يرحـب يهلـي

هي رحبت بي وقالت الله يحييك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الأخاذ وروجي العسلي

طالعتها ثم قلت هالقلب يبغيك
ومن شاف حسنك خلى غيرك يولي

ابغي أشوفك دون مكياج يكسيك
وابغي أشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم عسى الروح تفديك
ابغى جمالك هالطبيعي يهلي

قالت دقايق وراجعه لك واوريك
ذاك الجمال اللي لعينك يسلي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه ياحياتي سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا تسرع وتنغش مثلي

اللي بلا مكياج خلها حواليك
واللي تحط مكياج خلها تولي
=========================

[الملك]

الله يعطيك العاااافيه

بس لو كانت في الشعر افضل

المهم انها لحواااا

وهذا يدلع عليهم كاتب الابيات ولكن رااائعه

شكرآ لك يالمختلف

[المختلف]

بارك الله فيك اخي الملك

وشكرا لمرورك الكريم.