منتدى الجادية الرسمي :: www.aljadiah.com

 

 

::- إعلانات المنتدى -::


« آخـــر الـــمــواضيـع »
         :: ابنة الأستاذ صالح بن محمد بن منسي في ذمة الله (آخر رد :مجرد احساس)       :: زواجات وحفلات أهالي الجادية لعـــ 1440 هـ ـــام بإذن الله تعالى مرتبة حسب وصولها (آخر رد :مجرد احساس)       :: زواجات وحفلات أهالي الجادية 1439 هـ بإذن الله مرتبة حسب وصولها (آخر رد :مجرد احساس)       :: مواقع بكل اللغات يسرد سيره الرسول صلى الله عليه وسلم ، ويوضح الاسلام (آخر رد :abouali)       :: حرم المهندس جمعان شلاش في ذمة الله (آخر رد :مجرد احساس)       :: نوال أحمد آل سعد في ذمة الله (آخر رد :مجرد احساس)       :: اعرف بنفسي ولكم جزيل الامنيات (آخر رد :موعود)       :: ألبو صور الأعضاء .. ( جديد ) (آخر رد :رائد بن عوضه الغامدي)       :: قينان عثمان في ذمة الله (آخر رد :رائد بن عوضه الغامدي)       :: الاستاذ محمد عبدالكريم الحبيطي يلزم السرير الابيض (آخر رد :رائد بن عوضه الغامدي)      


 
العودة   منتدى الجادية الرسمي > ..{ القرية التّرفيهية } .. > مُنتدى استراحة الأعضاء
 

مُنتدى استراحة الأعضاء ابتسم دائماً ودع عنك الروتين المُمل

الإهداءات

إضافة رد
 
أدوات الموضوع انواع عرض الموضوع
 
قديم 18 Jan 2008   #1
jmghamdi
عضو نشيط
 

افتراضي من اللي على حق...؟


قال العزوبي

قال العزوبي يوم شـاف المعاريـس *** الرابـح اللـي لاقعـد مايقـومـي
أول سنـة كـلٍ يبـث الاحاسيـس *** وثاني سنة تجلب عليـك الهمومـي
وثالث سنة حط الرمـل والمتاريـس *** لابد مـن حـربٍ تقـوم وتدومـي
لامن دخلـت الـدار لاكنهـا بليـس *** متلفلـفٍ فـي غاليـات الهدومـي
تأخذ من المخباة وتسحب من الكيس *** وتغيـر الموديـل شـيٍ لـزومـي
وان قلت ما أملك يامره لوهو فليس *** قالـت تديّـن لا تكـثـر بلـومـي
ولاجيت مرة نـاويٍ لـك ب....... *** قالت تصّبـر خـل قلبـك رحومـي
ليتك تساعدنـي تصحـح كراريـس *** زادوا علينا أربع حصص في العلومي
أزوارة في العصر والصبح تدريـس *** والليـل تصحيـحٍ وودي أنـومـي
تبكي إذا جاها وجع لوهـو ضريـس *** وتقول أبي دكتـور ماهـو حكومـي
يروح عمرك بين عرسٍ وتأسيـس *** واربـع سنيـن والبزاريـن كومـي
وسط المطابخ بين قـز ومحاميـس *** هـذا صحـن رزٍ وهـذاك ثـومـي
والا خلصـت إمنظـفٍ الملالـيـس *** جتك تقول انهـج نبـي زود لومـي
ولا جبت قالت اكنس الحوش تكنيس *** خل البلاط يصيـر مثـل النجومـي
ومكرسٍ جهدك من الخوف تكريـس *** وان نادتك بالصوت اقبلـت مومـي
يجيك تـال الليـل دايـم كوابيـس *** ويشيبنـك مزعـجـات الحلـومـي
هذي حياة اللي ركض باغـي...... *** ضيع حيـاة أول وصـار محرومـي
تعيش يالمعـرس حيـاة المحابيـس *** وشف العزوبي بكل شارع يحومـي
من مفرق جلاجل إلى جوي للخيـس *** وان حار حايرهم بوسطـه يعومـي
يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي
شف العزوبي مايعـرف الهواجيـس *** ولا يـودي حرمتـه كـل يـومـي
يا عنك ماحاش الفخـر والنواميـس *** الا عزوبـيٍ يـعـرف السلـومـي
اذا اعرس المعرس غدا عندنا هيس *** ونزيل اسمه مـن سجـل القرومـي
والى بغيـت البهذلـة والدحاويـس *** فأعرس وخلك من عـداد الرخومـي
وش صابكم من عرسكم يا المفاليس *** وش استفدتوا غيـر دق الخشومـي
اللي تزوج أشهد انـه غـدا تعيـس *** والرابح اللـي ماخـذٍ لـه . .........
ترى عناق العام نطت على التيـس *** والحرعقب العـرس يصيـر بومـي





قال العريس

قال العريس أنا الذي في سـعاده ××× ماني عــزوبــي ضايق الصدر مهموم
مبسوط من مثلي قعـد عنــد غاده ××× مهوب مثـل اللي لحاله تقل بـــوم
في كل لــيله حاضنٍ لـه وسـاده ××× وانا مـع المـزيون في غـرفة النوم
أنا اشهد انه عايـشٍ في قــراده ××× يروح عــمــره مـا تهنى ولايوم
الى دخــل للبيت يبلش بــزاده ××× يقعد يقــطّـع له طمــاطٍ معه ثوم
ولا قضى عقب العصـر من عداده ××× والـحوض من كثر المواعين مزحوم
والى غسلهن ثم فـك الســـداده ××× دلى يغســل له سـراويل وهــدوم
وان ماطــبخ روّح لمطعـم حمـاده ××× والا قـعد في منزله واعـلن الصوم
وان جاه ضيفٍ باغيٍ لـه رفـاده ××× يـروح يشــري رز وايـدام ولحوم
ما يعرف الشمبو وراسـه عــراده ××× وشــمغه من الكواي ملـيانه رقوم
ما يكنس الفرشــه ويلقط بــداده ××× اما بقـايا رز او خــبز معــروم
عنده صراصيرٍ بحـاجه ابــاده ××× تسـرح وتمرح في الغرف دايم الدوم
يجمع قروشه ويتســـلف زيـاده ××× حتى يسافر مصـر او ديرة الروم
او راح يم التاي وتـــرك بـلاده ××× ناظر جـوازه ممـتلي كله ختوم
دايم يسافر ما يعـرف العــباده ××× يسكر وينكر و ........ بالكـوم
وإلى رجع يـروح يـم العــياده ××× حيث ان فـيده مـن فعايله مزكوم
وإلى قعد مارس مع .......عاده ××× حيثه مسيكينٍ مـن العرس محـروم
له موتر خرده كثير فســـاده ××× في كل يـومٍ في الاشارات مصـدوم
غمارته تقول ورشــة حـــداده ××× ومريقـده في شـنطته دوم محزوم
دوم يتنقل تقــل كنه جــراده ××× في كـل يومٍ نازل له على قــــوم
يسهر والى قام الظهر من رقـاده ××× روّح على شغله والى اليوم مخصـوم
يذي بنات الناس يبغي مـراده ××× في كل يومٍ زاهمٍ له على ( هـــوم )
اراه مايعـرس ويقـدح زنـاده ××× يترك بـنات الناس ويصير معصوم
يلقى هنوفٍ تخـدمه مثـل داده ××× ويصــير رجّالٍ ويسلم من اللوم
يفرح الى من قرب وقت الولاده ××× ويصير معنى العرس بالحيل مفهوم
يشوف أولاده ومعهم شهـــاده ××× قبل الـوفاة وقولة الناس مرحــوم

الموضوع الأصلي: من اللي على حق...؟ || الكاتب: jmghamdi || المصدر: منتدى الجادية الرسمي


jmghamdi غير متصل   رد مع اقتباس
 

 
قديم 18 Jan 2008   #2
بريق الألماس
كــاتــب مـمـيـز
 
الصورة الرمزية بريق الألماس
افتراضي

قال العزوبي يوم شـاف المعاريـس *** الرابـح اللـي لاقعـد مايقـومـي



قال العريس أنا الذي في سـعاده ××× ماني عــزوبــي ضايق الصدر مهموم

والله شي يحير .... بس العزوبي اهون شوي


يعطيك العافيه اخوي


بريق الألماس غير متصل   رد مع اقتباس
 
 
قديم 18 Jan 2008   #3
المختلف
مـشـرف سـابـق
 
الصورة الرمزية المختلف
افتراضي

العزوبي يندم على تأخره في الزواج..


ويندم بعد الزواج اكثر على تسرعه !

يعطيك العافيه jmghamdi


التوقيع:

نقرتين لعرض الصورة في صفحة مستقلة

نقرتين لعرض الصورة في صفحة مستقلة

نقرتين لعرض الصورة في صفحة مستقلة

المختلف غير متصل   رد مع اقتباس
 
إضافة رد

مواقع النشر (المفضلة)

جديد منتدى مُنتدى استراحة الأعضاء

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
اللي اختشوا ماااااتو الحميراء المُنتدى العام 2 30 Sep 2010 11:02 PM
وين اللي يتحدون أبو يزن مُنتدى استراحة الأعضاء 4 12 Dec 2009 12:35 AM
اللي اختشوا ماتوا الحميراء المُنتدى العام 10 03 Aug 2009 08:41 AM
يا بخت اللي كسب ودك؟؟ ليل مُنتدى الشعر والأدب 7 30 Oct 2007 12:54 AM
اسم اللي بعدي عبدالعزيز آل سرور مُنتدى استراحة الأعضاء 18 19 Aug 2007 09:43 PM


الساعة الآن 10:18 AM


Powered by vBulletin® Copyright ©2000 - 2018, Jelsoft Enterprises Ltd. TranZ By Almuhajir
 تطوير موقع الجادية الرسمي
المواضيع تعبر عن رأي صاحبها وليس لإدارة المنتدى أدنى مسؤولية في ذلك